عرض للطباعة
انا ياجماعه من الناس اللي بتحب تجرب تسوق كل لعربيات نص نقل ميكروباص اي حاجه
النهارده بأه ركبت التويوتا الميكروباص الجديده العربيه ما شاء الله تحفه الباور بتاعها اكثر من رائع بالإضافة لعزم العربية حلو اوي حتى المساعدين بتوع العربية وانت ماشي تحس العربية مرنه اوي مع المطبات يا ريت اي حد جرب عربيات مختلفه غير الملاكي يقولنا عن تجربته
انا أمنية حياتى أسوق الهاى ايس دى
شكرا على الموضوع
انا مرة سوقت الميكروباص التويوتا بتاع الجامعة 2800 سي سي بنزين
حاجة مرعبة ...و بيجري جري
انا فعلا سوقت ميكروباصات اكتر من مرة..
مرة فيهم كانت في جراج باركن فيه عربيتي..
مش فاكر كان كام سي سي بس كان ديزل.. وكان السحب بتاعه مش عادي فعلا.. والبنزين اكيد هيبقي اكتر..
والمفاجأة بقي اللي سوقتها ومكنتش قادر امسك نفسي عن الجري بيها.. كانت النص نقل الدبابة 2500 سي سي بنزين.. وسحبها وجريها مش طبيعي.. فعلا يخوف..
تجربتي مع العربيه الوحش ( دودج دينستي ) 3800cc
8 سلندر موديل 93
وبشد مع مرسيدس عيون 2004
مش عايز اقولكم بتاع المرسيدس حصله ايه (اعتقد انه باع العربيه):D
انا سقت الإيسوزو الدبابة اكثر من مرة
والبيك اب الشيفرولية (ألأمريكانى الكبيرة بتاعة المعونة الأمريكية مش الدبابة بتاعتنا) وكانت اوتوماتيك والفتيس فى الديريكسيون
والشيفرولية الجامبو ال 8 شنكل
والنقل النصر بتاع الجيش
العربية اللى كانت تحفة فعلا البيك اب الشيفروليه، العبية بتحط صباع رجلك على طرف دواسة البنزين تلاقيها جابت 100 ، مع انها اوتوماتيك، وكل حاجة فيها كبيرة أوى، يعنى اكرة الباب قد كوريك عربيتى، ودراع المساحة قد عصاية الفتيس بتاع العربيات التانية ، مكنتش بطول اقفل المسوجر بتاع الباب اليمين لو انا قاعد فى الشمال مهما عملت
اما النصر بتاعة الجيش فدى قشلاق متحرك، تحس وانت راكبها انك ماسك خدمة فى معسكر جيش، انا اعتقد ان العربية دى كانت من اسباب حماس جنود الجيش المصرى الذى يصل الى حد الجنون فى حرب 73
يا جماعه والله ثم والله
انا من كام يوم كان ماشي بجواري ميكروباص تويوتا هاي اس الجديد Dvvt
والله ومحمل لأخره
وكنا واقفين في اشارة وفجأة الأشارة فتحت راح الواد دايس رعشة بنزين وسايب كده والله العربيه نطط نطة انا شوفتها مدرتشي الا وانا قاعد بقول بسم الله ماشاء الله
واكرر لأني خفت احسده بجد يخربيت كده
انا من النوع اللي بيحب يسوق اي حاجه و كل حاجه و اي حاله .. الهاي ايس فعلاً خطير و بيجري طلقه .. محصليش نصيب اسوقه لسه .. بس اهه اديني مرمي مع السواقين بتوع خط الصعيد ... العربيه فعلاً بتساعد (و عينك ما تشوف الا النور مع السواقين دوول)
انا سقت التويوتا الجديد جميل جدا و سريع ( و فيه تيربو ) و سقت النسخة السياحية دات السقف المرتفع .
- سقت النيسان البيك اب المصرية سيئة للغاية و الثبات صفر . عربية فاشلة .
- سقت بولدوزر كوماتسو موديل 2004 كان على الزيرو بصراحة حاجة تحفة بجد كان منوال و اتوماتيك ده لوحده و ده لوحده و مكيف و كاسيت و كرسى مريح جدا جدا
- سقت كوماتسو شوكة ( فورك لفت ) و بيمشى افقى و رأسى ممكن تعمل خمساية و انت واقف مكانك .
انا سقت قبل كدة اللودر سقت كذا واحد و كان جامد جدا جدا طبعا مش بيجرى ولا حاجة بس النقلات تحفة فى دراع كدة افقى جمب الدريكسيون تجيبة قدام يمشى قدام و علشان تجيب تانى تلف الدراع دة و منغير دبرايج طبعا تحفة
وكانت موديلاتهم Cat 930 و دة صغير
و Cat 950 B و دة اكبر
و Cat 966 E و دة اكبر و اكبر
أنا نفسى أسوق الهاى إيس الجديد
ياريت لو اخوانا سواقين الميكروباص يعملوله تست درايف ( : ويسمحوا للناس بتجربته